ການລົງໂທດຂອງ ອາເມຣິກາ ເຮັດໃຫ້ເສດຖະກິດ ອັບການິດສະຖານ ພົບຄວາມຫຍຸ້ງຍາກ
ວັນທີ 15 ສິງຫາ ນີ້, ລັດຖະບານຊົ່ວຄາວ ອັບການິດສະຖານ ໄດ້ຈັດພິທີສະເຫຼີມສະຫຼອງການຄອງອຳນາດຄົບຮອບ 2 ປີ. ໂດຍປະຊາຊົນໄດ້ໃຫ້
ສຳພາດຕໍ່ນັກຂ່າວວ່າ: ເຖິງວ່າປັດຈຸບັນນີ້, ສະພາບຄວາມໝັ້ນຄົງຂອງທ້ອງຖິ່ນໄດ້ຮັບການປັບປຸງໃຫ້ດີຂຶ້ນກໍຕາມ, ແຕ່ການລົງໂທດຂອງ ສະຫະລັດອາເມ
ຣິກາ ໄດ້ເຮັດໃຫ້ການຟື້ນຄືນຂອງເສດຖະກິດ ອັບການິດສະຖານ ປະເຊີນກັບຄວາມຫຍຸ້ງຍາກລຳບາກຫຼາຍ.
ອີງຕາມບົດລາຍງານສະບັບໜຶ່ງຂອງອົງການສະຫະປະຊາຊາດຄາດຄະເນວ່າ: ປີ 2023, ເຖິງວ່າການລະດົມທຶນ ເພື່ອຊ່ວຍເຫຼືອດ້ານມະນຸດສະທຳ
ທີ່ຮຽກຮ້ອງຕ້ອງການສູງເຖິງ 4,6 ຕື້ໂດລາ, ແຕ່ນັບມາຮອດເດືອນ ເມສາ 2023, ທຶນທີ່ສາມາດເຂົ້າເຖິງໄດ້ມີພຽງແຕ່ບໍ່ຮອດ 5% ເທົ່ານັ້ນ.
ພາຍໃຕ້ກໍລະນີທີ່ຂາດເຂີນທຶນຊ່ວຍເຫຼືອຫຼາຍປານນັ້ນ, ອາເມຣິກາ ຊ້ຳພັດຍັງປະຕິເສດບໍ່ສົ່ງຊັບຊິນຢູ່ຕ່າງປະເທດຂອງທະນາຄານກາງ ອັບການິດສະ
ຖານຄືນ. ຜູ້ຊ່ຽວຊານອັບການິດສະຖານເປັນຫ່ວງວ່າ: ບັນຫາທີ່ນຳມາຈາກການລົງໂທດຂອງ ອາເມຣິກາ ຈະສ້າງຜົນກະທົບຕໍ່ຊີວິດການເປັນຢູ່ຂອງປະຊາ
ຊົນໃນດ້ານຕ່າງໆ, ນອກຈາກເສດຖະກິດສືບຕໍ່ອ່ອນແອ, ຕະຫຼາດຂາດຄວາມມີຊີວິດຊີວາແລ້ວ, ຍັງຈະສ້າງຜົນກະທົບຕໍ່ຂົງເຂດຕ່າງໆ ເຊັ່ນ: ການຢາ ແລະ
ສາທາລະນະສຸກ ເປັນຕົ້ນ...ເຊິ່ງຈະເຮັດໃຫ້ຊີວິດການເປັນຢູ່ຂອງປະຊາຊົນທ້ອງຖິ່ນທີ່ທຸກຍາກຢູ່ແລ້ວນັ້ນ, ຍິ່ງຊຸດໂຊມຮ້າຍແຮງລົງຕື່ມອີກ.
ແຫຼ່ງທີ່ມາ: ໜັງສືພິມກອງທັບ
ວັນທີ 22/08/2023